[廣州美食地圖] [世博年漫遊長三角][日本築地美食大追擊]

[旅遊] 臺北女子民宿' 臺北背包之家'

香港女性單獨遊臺北自助行:臺北女子民宿「臺北背包之家」夠平又安全!


[轉載/youtube] May 31, 2010 — (蘋果消費blog)唔少姊妹都鍾意一個人去台北自助旅行,想住得便宜又唔想有咁多閒雜人,原來台北近年有唔少專供女仔入住嘅平價民宿。好似位於台北捷運站麟光附近嘅「台北背包之家」就係唔錯選擇。背包之家係一對鍾意自助旅行嘅夫婦經營,女主人 Maruka去旅行嗰陣,發現女仔搵平價住宿唔係咁方便,感同身受將自己間屋改為背包公寓租畀女性旅客。 Maruka同小妹講,背包之家開咗一年,唔少單身港女嚟住,而本土台灣女仔就多數兩個結伴嚟,證明香港女仔都幾獨立(當然啦)。Maruka 又話,呢間女性專屬背包公寓勝在夠平又安全,靠近捷運站交通方便,最重要住得輕鬆自在,「不用擔心有男性在場,早上起床或淋浴後可穿輕便衣服走動,又不必急着整理儀容。」公寓設雙人房兩間,每房收$1,200台幣(約港幣$300);四人床位房一間,每床位收$700台幣(約港幣$175),另有客廳及廚房。Maruka補充話,如果啲客係包層租住,宿舍容許有男客;又或者夫婦、情侶想租雙人房,宿舍會先徵詢同期入住嘅女客意向,先考慮是否租畀佢哋。Maruka話,海外客人租房經電話或 email確認床位同填上網上訂房表就得,唔使先付訂金,免卻滙款要付手續費。有興趣嘅姊妹可以上民宿網站:http://tw.myblog.yahoo.com/taipei.homestay/
hello